1. PAHAMI MATERI YANG ADA, PERSIAPKAN PEPAK BASA JAWA
2. MENGERJAKAN TAGIHAN SEBAGAI ABSENSI KEHADIRAN SISWA DAN PENGUASAAN MATERI, DENGAN CARA KLICK LINK DIBAWAH SOAL TAGIHAN.
1.MATERI
A. Dasanama
Aja
kakehan sanggup,
durung
weruh tuture agupruk,
tutur
nempil panganggepe wruh pribadi,
pangrasane
keh wong nggunggung,
kang wus weruh amelengos
Gatekna : weruh
ing kono duwe teges ngerti, ngertos, priksa,pana, paham.
Tuture tegese ngomonge, kandhane, ngendikane.
Tembung kang duwe
teges luwih saka saka siji iku diarani dasanama
Dasanama asale saka tembung dasa = sepuluh, lan nama
= jeneng.
Dasanama tegese jeneng pirang-pirang kang tegese padha
utawa meh padha (jenenge liya).
Tuladha :
1)
Akal = budi, utek, budaya, nalar, reka, pikir, angen-angen
2)
Anak = atmaja, suta, sunu, siwi, tanaya, weka, putra, yoga
3)
Alas = wana, bana, wanadri, wana wasa, janggala, jenggala, wanantara,
walusan
4)
Angin = bajra, bayu, samirana, pawana, maruta, sindhung riwut, pancawara.
5)
Bocah = rare, lare, rarya, larya, walaka.
6)
Awak = angga, lingga, badan, diha, dhiri, sarira, salira,
raga, tubuh, wanda.
7)
Buta = wil, ditya, diyu, raseksa, danawa.
8)
Cahya = senen, sunu, sunar, praba, ujwala, sorot.
9)
Dewa = jawata, dewata, apsara, amara, bathara, hyang, sura, widadara,
dorandara.
10)
Dalan = marga, margi, delanggung, gili, enu, lebuh, lurung, sopana,
hawan.
11)
Geni = dahana, api, apyu, agni, brama, pawata, latu.
12)
Gajah = dipa, denta, dirada, dwipangga, esthi, liman.
13)
Idu = kecoh, ledaka.
14)
Iwak = mina, buron toya, matswa (maswa), ulam.
15)
Ilat = lidhah, jihwa.
16)
Endhas = pathak,
thothok, sirah, mustaka, murda, kepala, kumba, ulu, utamangga.
17)
Rambut = rema,
weni, kesa, roma, sinom, jatha, (uga ateges siyung).
18)
Kembang = padma,
sekar, puspita, sari.
19)
Kethek = wre,
kapi, munyuk, jpris, rewanda, wanara, palwaga, kapila, pragosa.
20)
Jaran = aswa, wajik, kuda, undhakan, titihan, kapal, turangga.
21)
Kebo = andanu, mundhing, maesa.
22)
Kidang = arina,
saraba, wariga, cemuru.
23)
Macan = mong, arimong, arima, singa, sardula, sima, pragalba.
24)
Bantheng = andaka,
angun-angun, nandaka, jawi.
25)
Kaya = pindha, kadya, lir, pendah, kadi, yayah.
26)
Ibu (embok) = umi,
rena, wibi, biyung.
27)
Karep = karsa, kapti, kayun, sedya, niyat, maksud, esthi, cipta, praya,
parasdya.
28)
Langit = tawang, akasa, jumantara, gegana, wiyati, boma, bomantara,
awiyat, widik-widik, dirgantara, byoma, antariksa, ambara.
29)
Mati = lalis, antaka, layon, palastra, pralaya, sirna marga layu, murud
ing kasidan jati ,kondur dhateng tepet suci, mancal donya, tilar donya.
30)
Ula = taksaka, sarpa, naga, ardawalika, sawer.
Coba saiki golekana dasanamane tembung ing
ngisor iki!
1. Ati :
.....................................................................................................................
2. lanang :
........................................................................................................................
3. Lemah :
.........................................................................................................................
4. Banyu :
.........................................................................................................................
5. Gunung :
.........................................................................................................................
6. Kembang:
.....................................................................................................................
7. Omah :
.........................................................................................................................
8. Mergawe :
.........................................................................................................................
9. Segara :
.........................................................................................................................
10. Srengenge:
.....................................................................................................................
B. Ngudali Ukara
Ukara yaiku kumpulane saka tembung
cacahé siji utawa luwih kang mawa teges.
Duwe teges jalaran tembung-tembung ing ukara mau duweni perangane
dhewe-dhewe, dene peranganing ukara kang
baku iku ana 4 jinis, yaiku:
1.
Jejer (J) yaiku: samubarang kang dianggep duwe adeg dhewe sarta dadi bakuning
gunem utawa carita. Lumrahe awujud tembung aran, sarta dadi wangsulane pitakon:
a. Apa sing ...?
b. Sapa sing...?
2.
Wasésa (W) yaiku: samubarang kang dadi caritane jejer. Lumrahe awujud tembung
kriya. Ananging ana uga kang awujud tembung: aran, kaanan, sesulih, wilangan,
lan sapanunggalané. Sarta dadi wangsulan saka pitakon:
a.
kepriyé...?
b.
ngapa...?
3.
Lésan (L) yaiku: samubarang kang dadi watesaning utawa sasarane wasesa, Lesan, bisa kapilah ana 2, yaiku:
a.
lesan panindak
b.
lesan panandang
4. Katrangan
(K) yaiku: yaiku kang dadi andharaning wasesa.
Tuladha
perangane ukara ing ngisor gatekna!
1.
Pak Guru nyerat tembang gambuh wonten papan tulis
J W L K
2. Adhiku sarapan sega pecel
J W L
3. Wingi sore simbahku rawuh
saka Magetan
K J W
K
C.
Ukara ing ngisor iki udhalen manut perangan ukara utawa kalungguhane gatra! ing buku tugas.
1. Kangjeng Susuhunan
Pakubuwana IV nganggit Serat wulang Reh taun 1808 M
……………………………………………………………………………………
2. Kidang ngendelake
lumpate
……………………………………………………..
3. Ula ngendelake mandine
upas
……………………………………………….
4. Gagak rimang iku
mlayune banter banget
…………………………………………………..
5. Bupati Wilatikta
ngasta bupati Blora kang kapisan
………………………………………………………..
6. Murid iku sinaune kudu
saben dina
…………………………………………………..
7. Yen musim ketiga aja
dolanan geni
…………………………………………………………
8. Anoman mlumpat saka
gunung maliawan
……………………………………………………..
9. Dewi sinta mireng
rengeng-rengenge Anoman
………………………………………………………..
10. Prabu Ramawijaya bisa
mboyong Dewi Sinta maneh.
…………………………………………………………………
D. Panulisan tembung Dwipurwa ing aksara Jawa
Gatekna tuladha ing ngisor iki!
Tetuku = tutuku , Jejagongan = jj[g=ozn\
Tetanen = tt[nn\ , jejuluk = jujuluk\
Tulisen
nganggo aksara Jawa. ing buku tugas.
1. Bebukane
carita ing wayang.
……………………………………………………………………………………................
2.
Pak Hadi paring sesorah.
………………………………………………………………………………………............
3. Gegodhongan kang
ijo mupus.
………………………………………………………………………………………............
4. Gegandhengan runtung-runtung.
………………………………………………………………………………………............
5. Yen memangan apa
bae aja kesusu.
………………………………………………………………………………………............
6. Sesawahan kae
katon bawera.
………………………………………………………………………………………............
7. Apa-apa iku
nganggo tetimbangan.
………………………………………………………………………………………............
8. Tetangisan ora karuan.
………………………………………………………………………………………............
Basa rinengga sing dadi underane rembug
ing wulangan iki winates paribasan, bebasan, pepindhan, lan saloka.
1.
Bebasan: unen-unen kang ajeg
panganggone, duwe teges pepindhan, sing dipindhakake utawa dibandhingake
kahanan lan ulah-kridhane manungsa.
Tuladhane :
(1)
Nglungguhi klasa gumelar,
tegese mung kari nemu penake.
(2)
Suduk gunting tatu loro, tegese
tumindak ora bener pisan, njalari kapitunan rong warna.
(3)
Nututi layangan pedhot, tegese
mburu barang sepele sing asile ora sumbut karo rekasane.
2.
Saloka: unen-unen kang ajeg
panganggone, duwe teges pepindhan, sing dipindhakake utawa dibandhingake wonge.
Tuladhane :
(1)
Asu belang kalung wang, tegese
wong asor nanging sugih bandha donya.
(2)
Cebol nggayuh lintang,
tegese wong sekeng/mlarat duwe gegayuhan
sing mokal kasembadan.
(3)
Kacang ora ninggal lanjaran,
tegese sipate anak ora beda adoh karo sipate wong tuwa.
3.
Pepindhan: unen-unen sing duwe
teges emper-emperan utawa irib-iriban, diumpamakake kanggo mbangetake, lumrahe
nganggo tembung lir, pindha, kadya, kaya, lan liya-liyane. Tuladhane :
(1)
Ketiban ndaru, tegese beja
banget.
(2)
Sumbare kaya bisa mutung wesi
gligen, tegese kaya ora ana sing bisa ngalahake.
(3)
Srawunge kaya lenga karo banyu,
tegese ora bisa rukun.
4.
Paribasan: unen-unen sing ajeg
panganggone, ngemu surasa wantah. Tuladhane:
(1)
Kebat kliwat, gancang pincang,
tegese tumindak kanthi kesusu asile ora bakal maremake.
(2)
Anak polah bapa kepradhah,
tegese tingkah polahe anak dadi tanggungjawabe wong tuwane.
(3)
adigang-adigung-adiguna, tegese
ngendhelake kekuwatane, keluhurane, lan kepinterane.
2. TAGIHAN SOAL .
jawaben kanthi klik ing ngisor iki!
https://docs.google.com/forms/d/e/1FAIpQLSe0JLmW2ohiLsN88ERxYujVhkKZ1JuynHpY1enabr9Ogj4ZwA/viewform
Tidak ada komentar:
Posting Komentar