MATERI BASA JAWA KELAS 9. BAB I

   LANGKAH-LANGKAH PEMBELAJARAN

1.  PAHAMI MATERI BASA JAWA

2. KERJAKAN SOAL-SOAL SEBAGAI TAGIHAN PEMBELAJARAN

1. MATERI BASA JAWA

CERITA WAYANG

A. BAMBANG SUMANTRI

 

Patuladhan kang bisa kapethik saka lelabuhane Bambang Sumantri kaya kacetha ing serat Tripama tembang Dhandhanggula kaya ing ngisor iki:

Yogyanira kang para prajurit, lamun bisa sami anuladha, kadya nguni caritane, andelira sang Prabu, Sasrabahu ing Maespati, aran Patih Suwanda, lelabuhanipun, kang ginelung tri prakara, guna kaya purun ingkang denantepi, nuhoni trah utama.

Miturut pethikan saka serat Tripama kasebut bisa  diuningani menawa Bambang Sumantri kang tembene aran patih Suwanda iku klebu paraga wayang sing akeh sithike nduweni sipat kontroversial. Sumantri dianggep pahlawan, karana tansah njunjung dhuwur sipat kaprawiran, nanging uga sawetara sipate kang kurang prayoga (ala), yaiku kaduk piangkuh (gumedhe).

Bambang Sumantri putrane Resi Suwandagni (Suwandageni) ing padhepokan Ardisekar. Satriya bagus kang tansah dadi panjang kidunging para kenya, nanging ing telenging atine mung tansah kayungyun marang kaprawiran, kanuragan, lan jaya kawijayan. Saka genturing tapane, panaringan kadigdayan linuwih lan gegaman kang ampuh.

Dening keng ramane, Sumantri dhinawuhan suwita ana ngarsane Prabu Arjunasasrabahu ing Maespati. Pasuwitane bakal ditampa janji bisa mboyong Dewi Citrawati, putrane Prabu Citradarma ing Magada (Manggada), kinarya prameswarine Sang Nata.

Bambang Sumantri nglurug menyang Magada, ngalahake raja sewu negara kang dipandhegani Prabu Darmawasesa kang uga bakal ngayunake Dewi Citrawati. Sumantri klakon mboyong Dewi Citrawati dalah putri dhomas, bakal katur Prabu Arjunasasrabahu.

Satekane saka Magada, Sumantri ora enggal ngaturake Dewi Citrawati, nanging malah njaluk supaya diboboti nganggo pancakara utawa perang tandhing kinarya nodhi sepira kadigdayane sang Nata Prabu Arjunasasrabahu. Dening sang Prabu diladeni. Supaya aja nganti ana panyakrabawa yen iku perange kawula mungsuh ratu gustine, mula Bambang Sumantri banjur kaparingan ageman kanarendran loro dene sang nata. Pamrihe murih saimbang kalungguhane, yaiku ratu mungsuh ratu.

Nalika Sang Prabu meh keseser yudane, banjur triwikrama dadi brahala sagununganakan. Sumantri arep diuntal malang, nanging ora sida jalaran Sumantri kang wis rumangsa kasoran banjur nglumpruk ing pangarepane sang Nata karo nyuwun pangaksama. Sang Prabu Arjunasasra  paring pangapura, nanging Sumantri bali ditodhi kasudibyane kanggo nebus kaluputane. Sumantri dhinawuhan muter Taman Sriwedari saka Kahyangan Uttarasegara (Untara-segara) menyang Maespati.

Kanthi nalangsa, nggetuni pakartine, Sumantri mulih menyang padhepokan, ketemu karo adhine Ditya Sukasrana kang awujud buta bajang sing rupane medeni nanging kasektene ngedab-edabi. Sumantri nyritakake kabeh lelakone marang adhine kuwi. Sukasrana saguh mitulungi janji dikeparengake ndherek suwita ing Maespati. Sumantri nyaguhi.

Bebasan mung sakedheping netra. Sawise manengkupuja, Sukasrana bisa mindhah taman Sriwedari saka kahyangane Bathara Wisnu mau menyang Maespati, satemah ndadekake gumune para kawula. Prabu Arjunasasra klawan Dewi Citrawati didherekake para putri uga ngersakake mriksani lan nitipriksa taman iku.

Nalika lagi ngresepi kaendahane taman dumadakan Dewi Citrawati anjelih kepati (njerit) merga meruhi ana buta bajang ana papan kono. Rumangsa isin, adhine dikongkon mulih dhisik, dijanjeni yen pasuwitane wis ditampa tenan, Sukasrana arep diajak suwita uga. Ning Sukasrana ora gelem pisah karo Sumantri. Dening Sumantri banjur diagar-agari jemparing. Nanging tanpa sengaja panah mau mrucut lan tumama ana dhadhane Sukasrana satemah ndadekake patine. Sumantri rumangsa keduwung. Nalika arep ngrungkebi kunarpane Sukrasrana, sanalika ilang musna.

Saka madya gantang keprungu suwara lamat-lamat: ”Kakang Sumantri. Aku emoh mlebu menyang suwarga menawa ora bebarengan karo kowe. Titenana Kakang, mbesuk yen kowe tandhing tiyasa karo ratu buta, iya ana kono nggonku methuk kowe bebarengan munggah kasuwargan”.

Bubar  kuwi, pasuwitane Sumantri katampa. Winisudha dadi patih ing Maespati aran Patih Suwanda. Kondhang minangka patih sing tansah setya tuhu marang ratu gustine. Nalika ndherekake Sang Prabu lan Prameswarine lelumban ana ing narmada, ketekan Dasamuka sing nedya ngarubiru. Ya nalika nrenggalangi kridhane Prabu Dasamuka iki, wusanane Patih Suwanda tumakaning sirna gugur minangka pahlawaning Maespati.

                                        (Kapethik saka Panjebar Semangat No. 12, 24 Maret 2012)

 

B. Tegese Tembung

Gatekna tegese tembung-tembung ing ngisor iki!

1.      anuladha  = nyontoa, nirua

2.      andelira = sing diandelake, sing dipitaya

3.      ginelung = dibundheli, ditaleni

4.      panjang kidunging = dadi omongan

5.      kayungyun = seneng banget, kasmaran, kepencut

6.      kaprawiran lan jaya kawijayan = kakendelan/kuwanen lan aji sing njalari ora bisa kalah (menangan);

7.      genturing tapane = banter utawa nyrempeng anggone tapa

8.      suwita = ngenger, ngabdi

9.      ngayunake = ngarepake, kepengin ndarbeni, kepengin ngepek bojo/ngrabi

10.  putri dhomas = putri cacah 800

11.  nodhi = njajal; nyoba/neter kakendelan  

12.  panyakrabawa = pandakwa, pangira

13.  keseser = kadhesek, kuwalahan, kepepet (arep kalah perang)

14.  buta bajang = buta kunthing/kerdhil/awake cilik

15.  ngedab-edabi = nggumunake; ngeramake; peng-pengan

16.  manengkupuja = semedi, ngeningake cipta, ndedonga

17.  diagar-agari jemparing  = diagag-agagi/diweden-wedeni/diathung-athungi panah

18.  keduwung = getun banget

19.  kunarpane = jisime, layone, jasade, mayite

20.  narmada = kali, bengawan

21.  ngarubiru = ngganggu gawe, ngreridhu

22.   nrenggalangi = nandhingi, ngadhepi

B. Cerita  Anoman

Hanoman, bayi kawujud kethek seng lair nang masa Tretayuga dadi putra Anjani, wanara wedok. Dhisik Anjani sawadine ngrupakne widodari, nduwe jeneng Punjikastala. Amergo mubarang tumakne, dheweke lair menyang donya dadi wanara wedok.

Tumakne kasebut bisa buyar yen dheweke bayen sawong putra sing wujudake penitisan Siwa. Anjani rabi karo Kesari, sawiji wanara seng perkasa. Bareng marang Kesari, Anjani nglakoke tapa menyang adhepan Siwa , supaya Siwa gelem menjelma kanggo putra dekne kabeh.

Amarga Siwa terkesan karo pamujaan sing dilakokae saka Anjani lan Kesari, dheweke ngabulake panyuwunane kabeh karo mudhun menyang donya dadi Hanoman.

Salah siji versi, nyeritakake menawa pas Anjani tapa memuja Siwa, nek panggonan liya. Raja Dasarata nglakoke Putrakama Yadnya kanggo nyaka mudun. Pakolehe, dheweke nrima pirang-pirang panganan kanggo diparakne marang para garwane, banjur ana dina Rama bayen, Laksmana.

Bhatara lan Satrugna, dhuwur kekarepan dewata, sawiji manuk ngrebut panganan, lan nibake dheweke nek dhuwur alas ana ngendi Anjani lagi tapa. Bayu, Si dewa angin, ngiringaken panganan kasebut ben tiba nek tangan Anjani. Pungkasanipun Anjani mangan panganan kesebut, nuli laira Hanoman.

Hanoman ngadhep Rama, Sita, lan Laksmana. Salah siji versi ngomongke menawa Hanoman lair secara ora sengaja amergo hubungan antarane Bayu lan Anjani.

Diceritakake menawa nang mubarang dina, Dewa Bayu ndeleng kayon Anjani, banjur dheweke ngekepi. Anjani nesu lan mangkel amergo rumangsa ga diajeni. Ananging Dewa Bayu njawab menawa Anjani ora arep reget  saka dhemokan Bayu.

Dheweke ngekepi Anjani ogag neng awake, nanging ana sajroning atine. Bayu uga celathu menawa mbesuk Anjani arep bayen sawong putra sing kakuwatane sepadan karo Bayu lan paling pinter neng para wanara.

2.  Kanggo nggarap soal-soal tagihan materi. Pencet wae link ing ngisor iki!

https://docs.google.com/forms/d/e/1FAIpQLSdDPLenysGpZrVt47Uc1IbOhFur5bw_dUz8YkCzQfcHtcAZbA/viewform