MATERI BASA JAWA KELAS 8, SABTU 7 NOPEMEBR 2020

 

G A M B U H

                      Pelog pt 6

 

             2         3         5          5          5          3          5 6

            Se       kar      gam    buh       ping      ca         tur

6          5          3          2          2         3          5          5          3          5 6

Kang   ci       na         tur        po        lah       kang     ke       lan        tur

2          1          6          12        2         2         2          2          3          1     6     5

Tan      pa        tu         tur       ka         tu         la        tu          la         ka  ta    li

1          2          2          2          3         1          2          3

Ka       da        lu        war       sa        ka        tu        tuh

3          5          6          5 6       3          2 3       1          2

Ka       pa         tuh      pan     da        di          a        won

 

Paugerane tembang Gambuh

1.      Ana 5 gatra (larik)

2.      7u, 10u, 12 i, 8u, lan 8o

 

1.

Sekar gambuh ping catur,

kang cinatur polah kang kelantur,

tanpa tutur katula-tula katali,

kadaluwarsa katutuh,

kapatuh pan dadi awon.

Tegese

Tembang gambuh sing nomer papat, nyeritakake polah (tumindak) kang kelantur, ora kang ngandhani kebacut-bacut banget, akhire diarani dicap dadi wong ala (elek)

2.

Aja nganti kebanjur,

barang polah ingkang nora jujur,

yen kebanjur kojur sayekti tan becik,

becik ngupayaa iku,

pitutur ingkang sayektos.

Tegese

Mula aja nganti kebanjur, marang tumindak kang ora jujur, yen kebanjur utawa kebacut cilaka ora apik,  mula apike iku nggoleka pitutur utawa nasehat kang bener,

3
Pitutur bener iku,

sayektine apantes tiniru,

nadyan metu saking wong sudra papeki,

lamun becik nggone wuruk,

iku pantes sira anggo.\

Tegese

Nasehat kang bener iku, sing pantes ditiru utawa dilakoni, senadyan sing ngomong iku mau saka wong mlarat, nadyan mlarat yen apik anggone mulang iku sing pantes kowe  gugu.

4

Ana pocapanipun,

adiguna adigang adigung,

pan adigang kidang adigung pan esthi,

adiguna ula iku,

telu pisan mati sampyoh.

            Tegese

Ana ceritane, adiguna (wong sing mamerna ilmune) adigang (wong sing pamer kekuasaane), adigung (wong sing pamer kaluhurane / drajate), sing seneng adigang kaya kidang, sing seneng adigung kaya gajah, sing seneng  adiguna kaya ula. Nalika tukaran telu iku mati kabeh.

 

5.

Sikidang umbagipun,

angendelaken kebat lumpatipun,

pan si gajah angendelken ageng inggil,

ula angendelken iku,

mandine kalamun nyakot.

6
Iku upamanipun,

aja ngendelaken sira iku,

suteng Nata iya sapa ingkang wani,

iku ambeke wong digung,

ing wasana dadi asor.

Tugas
Coba saiki pada nomer 5 lan 6, digarap apa kira-kira isine tembang nomer 5 lan 6 iku?