WULANGAN 5
I. MACA
A.
Wacanen kang setiti crita wayang Ramayana lakon
“Peksi Jatayu Sang Garudha Wicaksana” ing ngisor iki!
PEKSI JATAYU SANG GARUDHA
WICAKSANA
Resi
Jatayu salah sawijining paraga ana ing crita Ramayana. Resi Jatayu iku manuk
awujud garudha kang duweni watak wicaksana. Dheweke tansah eling marang sang
Hyang Agung, mula banjur duweni jejuluk Resi. Resi Jatayu yaiku anak saka Resi
Briswawa lan Dewi Brahmanistri. Dewi Brahmanistri yaiku anak wadon saka Dewa
Brahma. Dadi, kena disimpulake yen Resi Jatayu yaiku wayahe Dewa Brahma.
Resi Jatayu duwe sedulur telu yaiku Garudha
harna, Garudha Brihawan, lan Garudha Sempati. Resi Jatayu nalika isi enom,
kekancan raket banget karo Raja Ayodya Prabu Dasarata. Prabu Dasarata iku
bapake Prabu Rama. Nalika Dewi Sinta digeret digawa mabur dening Rahwana, Resi
Jatayu aweh pitulungan. Resi Jatayu nyamber tangane Rahwana. Resi Jatayu ora
tega krungu tangise Dewi Sinta.
Dewi Sinta kudu-kudua uwal saka panyekele Rahwana. Ananging tangani Rahwana nggegengi kuat
tangan Sinta. Sinta ora bisa uwal. Kabeh perhiasane padha gogrok tiba ana ing
lemah. Resi Jatayu kanthi sisa dayane nyerang Rahwana. Ananging tetep ora bisa.
Dheweke malah diajar dening Prabu Rahwana. Resi Jatayu akhire swiwine sengkleh.
Dheweke akhire tiba ana ing lemah.
Nalika iku, Rama lan Lesmana bingung goleki Dewi Sinta sing ilang saka kemahe. Rama lan Lesmana
luru ngubengi alas Dhandaka. Nalika luru, akhire ketemu manuk Jatayu sing lagi
sekarat. Rama age-age nulungi. Ananging, kahanane Jatayu wis ora bisa
ditulungi. Resi Jatayu sadurunge nemahe seda, wadul marang Rama. Jatayu
nyritakake menawa garwane yaiku Sinta diculik dening Raja Alengka Dasamuka. Durung rampung anggone matur
ngucapake Alengka, banjur Resi
Jatayu tumekaning
pralaya.
B. Tegese Tembung
Resi :
pendhita tapa
Paraga :
tokoh
Jejuluk :
jeneng, peparab, aran
Uwal :
pethal, ucul
Gogrog :
tiba, ceblok
Luru :
golek
Seda :
mati
Pralaya :
mati
C. Wangsulana pitakon ing ngisor iki!
- Coba sebutna para paraga ing wacan kasebut?
- Sedulure peksi Jatayu iku sapa wae?
- Kepiye wewatekane Rahwana, Dewi Sinta, lan Peksi
Jatayu iku?
- Apa kang dikandhakake Jatayu marang Rama
sadurunge nemahi pati?
- Piwilang becik apa kang bisa kapethik saka wacan
“Resi Jatayu Sang Garudha Wicaksana”?
Wangsulan
:
- ……………………………………………………………………………………….
- ……………………………………………………………………………………….
- ……………………………………………………………………………………….
- …………………………………………………………………………………….…
- ……………………………………………………………………………………….
II. NULIS
A. Nggoleki
gagasan baku utawa pokok isining crita
Ayo padha dijingglengi maneh crita “Peksi Jatayu Sang
Garudha Wicaksana”, sabanjure sebutna gagasan baku utawa pokok isining crita
ing saben paragraf!
Paragraf 1:
Resi Jatayu salah sawijining
paraga ana ing crita Ramayana. Resi Jatayu iku manuk awujud garudha kang duweni
watak wicaksana. Dheweke tansah eling marang sang Hyang Agung, mula banjur
duweni jejuluk Resi. Resi Jatayu yaiku anak saka Resi Briswawa lan Dewi
Brahmanistri. Dewi Brahmanistri yaiku anak wadon saka Dewa Brahma. Dadi, kena
disimpulake yen Resi Jatayu yaiku wayahe Dewa Brahma.
Gagasan bakune:
Tidak ada komentar:
Posting Komentar